गायक हिमाल श्रेष्ठ को ‘परेलीले’मा बजारमा

काठमाडौँ । गायक हिमाल श्रेष्ठको ‘परेलीले’बोलको गीतको भिडियो रिलिज भएको छ । सार्वजनिक गीतमा कृष्ण थापाको शब्द तथा गायक श्रेष्ठकै संगीत रहेको छ । बुद्ध स्याङवाको एरेन्ज तथा गायक हिमाल स्वयमकै मिक्स र मास्टरिङ रहेको सार्वजनिक गीतको छायांकन उत्सब दाहालले गरेका हुन् भने सम्पादन विकाश दाहालले गरेका हुन् ।

आफ्नी मायालुको सुन्दरताको वर्णन गरेको भिडियोमा मोडल विकाश चौहान र सृजना कार्कीको अभिनय रहेको छ । सिक्किमकी ख्यातीप्राप्त टिकटक स्टार , सिक्किम गर्ल सृजना र अमेरिकामा बस्दै आएका मोडल विकाशको अनस्क्रिन रोमान्सलाई निर्देशक प्रकाश धितालले कलात्मक शैलीमा भिडियोमा देखाएका छन् ।

एक पछि अर्को रोमान्टिक र प्रेम गीतहरु निर्देशन गर्दै धमाधम आफ्नो सफल करियरलाई अघि बढाइरहेका निर्देशक धिताल म्यूजिक भिडियोको क्षेत्रमा एक सफल नाम हो । ‘क’ बाट कछुवा ख खरायो, सानीले, लगायतका गीतहरु बजारमा ल्याइसकेका गायक हिमालको ‘देउराली पाखैमा’ बोलको गीतको भिडियो बजारमा आउने क्रममा रहेको छ ।