काठमाडौँ । बरिष्ठ गायक तथा संगितकार नागेन्द्र श्रेष्ठको बहुप्रतिक्षित गीत वैशाखे घाम सार्वजनिक भएको छ । सार्वजनिक गीतमा गीतकार लाल कार्की अन्जानको शब्द शृजना रहेको छ भने संगीत बरिष्ठ गायक तथा संगीतकार नागेन्द्र श्रेष्ठको रहेको छ ।
गीतमा एरेन्ज विक्क्ल खड्काले गरेका हुन् ।जसमा मिक्सिङ तथा मास्टरिङ सागर सुब्बाको रहेको छ । गीतमा गायिका सुनिता कार्कीको स्वर रहेको छ ।भिडियोमा पछिल्लो समयकी चर्चित मोडल तथा टिकटकर समारिका ढकाल र सुरेश कोहलीको अभिनय देख्न सकिन्छ । भिडियोको निर्देशन शिवाजी क्षेत्रीले गरेका हुन् ।
प्रेम, रोमान्स र विछोडले भरिएको प्रेम कथालाई भिडियोमा देखाइएको निर्देशक क्षेत्री बताउछन् ।भिडियोको छायाकंन करण चैसीरले गरेका हुन् भने भिडियोको सम्पादन मनोज कार्कीले गरेका हुन् । भिडियो संगीतकार श्रेष्ठकै अफिसियल युट्युब च्यानल नागेन्द्र श्रेष्ठबाट बजारमा आएको छ । जुन संगीतकार नागेन्द्र श्रेष्ठकै आफ्नै अफिसियल च्यानल हो । गीतको अडियो सागर स्टुडियोमा रेकर्ड गरिएको हो ।
