काठमाडौं– लन्डनको लर्डस् क्रिकेट मैदानमा जारी त्रिकोणात्मक टी–२० सिरिजमा नेपालले मेरिलोबन क्रिकेट क्लब(एमसिसी)लाई पराजित गरेको छ। एमसीसीमाथि नेपालले ९ विकेटको सानदार जित हात पारेको हो।
![](https://i2.wp.com/esajhakhabar.com/wp-content/uploads/2022/06/kads.gif?w=640&ssl=1)
सुरुमा ब्याटीङ गरेको एमसीसीले नेपाललाई ४१ रनको लक्ष्य दिएको थियो। ४.४ ओभरमा नेपालले लक्ष्य भेटाएको हो। सुवास खकुरेलले नटआउट १६ तथा ज्ञानेन्द्र मल्लले नटआउट १२ रनको योगदान दिए। अनिल शाह ९ रनमा आउट भएका थिए।
एमसीसीले ६ ओभरमा ४ विकेट गुमाएर ४० रन बटुलेको हो।
वर्षाका कारण खेल ६–६ ओभरमा झारिएको हो।
पहिलो खेलमा नेदरल्याण्डले एमसिसीलाई २० रनले पराजित गरेको थियो।
नेपालले अर्काे खेल नेदरल्याण्डसँग खेल्नेछ।