१९ औं एसियाली खेलकुदअन्तर्गत पुरुष क्रिकेटको जारी खेलमा नेपालले माल्दिभ्सलाई २१३ रनको लक्ष्य दिएको छ। नेपालले टस जितेर पहिला ब्याटिङ थाले लगत्तै गज्जबको खेल खेल्दै निर्धारित २० ओभरमा ७ विकेट गुमाएर २ सय १२ रन जोड्न सफल भएको छ । नेपालका लागि कप्तान रोहित पौडेलले ५२, गुल्सन झाले ३५ , कुशल मल्लले अविजित ४७ र कुशल भुर्तेलले ३५ रन बनाए । ६७ रनमा ४ विकेट गुमाएको अवस्थामा नेपाललाई रोहित, गुल्सन र कुशल मल्लले सम्हालेका थिए । मल्लले २० बलमा २ छक्का र ३ चौका प्रहार गरे । रोहितले २७ बलमा ३ छक्का र ३ चौका हिर्काए । गुल्सनले २१ बलमा तीन छक्का र १ चौका प्रहार गरे ।
पहिलो बलमा छक्का प्रहार गरेका दीपेन्द्रसिंह ऐरी दोस्रो बलमा आउट भए । यसपटक भने कुशल मल्लको अर्थशतक पुर्याउने सपना पूरा हुन सकेन । दीपेन्द्रसिंह ऐरी र कुशल मल्लको साझेदारी केही समय टिकेको भए नेपालले अझै ठूलो स्कोर बनाउन सक्थ्यो तर दीपेन्द्र क्याच आउट भएपछि नेपाललाइ ठूलो धक्का नै लाग्यो । जारी खेलमा अहिले माल्दिभ्सले जवाफी व्याटिगं गरिरहेको छ । फितलो खेलीरहेको कमजोर टिम माल्दिभ्सले आफ्नो पहिलो पलमा १ रन मात्रै लिएर खराब सुरुवात मात्रै गरेर आफ्ना ओपनरलाई नै गुमाउन पुगेको छ ।
यसअघि नेपालले मंगोलियाविरुद्ध रेकर्डका रेकर्ड बनाउँदै विश्वकिर्तीमानी कायम गरेको थियो । एसियन गेम्स अन्तरगत मंगोलियाविरुद्धको खेलमा नेपालले २७३ रनको कीर्तिमानी जित हासिल गरेसँगै चर्चा थपिएको छ । टी–२० अन्तर्राष्ट्रिय क्रिकेटमा यो अहिलेसम्मकै फराकिलो जित हो । यसअघि चेक गणतन्त्रले टर्कीमाथि २५७ रनको जित हात पारेर रन अन्तरको हिसाबमा सबैभन्दा फराकिलो जितको विश्व कीर्तिमान बनाएको थियो ।